Monday, November 26, 2007

يا سلام لو كنت اذكي!

يا سلام لو كنت اذكي شوية...
كنت ادخل الامتحان وانا مطمئن من غير ما اذاكر, والناس حتى في الشغل كانت حتحترمني لأني كل حاجة بقولها بتطلع صح.
ده حتى مكنش حيبقى عندي مشكلة اني الاقي بنت احبها, ذكي بقى, البنات بتموت في الولاد الذكية.
وكمان مكنتش ححتاج انافس زمايلي, بل بالعكس ده يمكن كمان كنت اساعدهم
كنت كمان حتعلم اسباني وفرنساوي وافضل ألف وأتعرف بناس جديدة ويمكن تضرب في دماغي واتعلم صيني كمان
ذكي بقى!
وبالمرة اروح اشتغل في شركة كبيرة واخترع لهم حاجة جديدة واشتهر وابقى غني
يااااااااه, ديه كانت تبقى حياة هايلة على فكرة.

No comments: